لماذا الزواج ؟؟

 

السلام عليكم

هذا موضوع حيرني كثيراً …

لماذا يجب على البنات الزواج ؟؟؟!!

و إذا فاتها القطار ,>> كما يقولون … بُنظر لها على أنها …  مسكينه

إذا قلنا :  فلانه لم تتزوج بعد … قالو … مسكينه 😦 الله يعينها ..

لماذا ؟ ماذا عند المتزوجات ؟؟؟ وليس عند غيرهن ؟؟!!

لماذا معظم البنات يتمنين أزواجاً .؟؟؟ و تدعي ليل نهار ؟؟!!

أرجوكم أجيبوني … فعقلي يكاد ينفجر ….

تحياتي الحاااره …  🙂

Advertisements

9 تعليقات على “لماذا الزواج ؟؟

  1. لانه سنة الحياة

    وتكمل نصف دينها

    ويرزقها الله طفل يقول لها

    احلى كلمة في الدنيا

    ماما

    :

  2. انا ايضا لا افهم هو صحيح سنة الحياة لكن ليس هو الحياة هذا نصيب من ربي زي اي شي اخر لو حصل نشكر الله ولو ماحصل كمان نشكر الله يعني هل الافضل عدم الزواج او الزواج التعيس ؟؟؟؟ :S

  3. اهلين شذى
    اول مرور ليا لمدونتك … وشدني العنوان و اجبرني ارد

    اول شئ اسمحيلي ابدأ ردي تعليقا على كلام الأخت aaliashan اللي قالت (هل الافضل عدم الزواج او الزواج التعيس ؟؟؟؟ )

    يااختي الظاهر ومنطقيا راح اقولك صح كلامك ليش اتزوج اذا راح اكون تعيسه !! مو انا مرتاحه في بيت اهلي ومافي شئ ينقصني ؟؟

    بس انا ارد عليك بكذا نقطه ويمكن يكون فيها رد على الموضوع نفسو اللي كتبته شذى

    شخصيا اعرف بنات متزوجين وحياتهم مو ورديه … بس ايش قالتلي واحده منهم
    قالتلي مهما يصير بيني وبين زوجي ومهما كانت المشاكل … نظرة واحده لأطفالي تنسيني الدنيا ومافيها

    جدا اثرت فيني هذي الجمله لأني حسيت بصدقها

    ارجع واقلك هل الحياة في بيت اهلك افضل ولا في بيت زوجك
    طبعا الدعاء ثم الدعاء انو ربنا يرزقنا رجال يخافوا الله فينا ويكرمونا وربي ماراح يخيب ظننا

    مهما كنتي مرتاحه في بيت اهلك … صدقيني لما تكوني ببيتك وبأولادك شئ ثاني
    دايما اسمع من الناس الكبار … عزة المرأة وحشمتها في بيتها ومع زوجها وبين اولادها

    الواحده تيجي بيت اهلها عزيزة كريمة وليها قدرها
    وترجع بيتها معززة مكرمه

    انا كانت عندي نفس الفكرة … انو انا مرتاحه في بيت اهلي وايش ناقصني
    وقت مايجي الزواج يجي انا مو مستعجله عليه
    ودايما اهلي يرددوا عليا انو احنا مو دايمين لك … البنت عزها في بيت زوجها

    وحصل حادث للوالد فجأة وربنا استخاره
    مااقلك اخواني اتغيروا علينا ولا في شئ نقص
    الحمدلله الوضع مستقر ومو ناقصنا غير وجود الوالد
    بس صدقيني الحسابات كلها اتغيرت دحين
    من جد صرت احسبها انو ايش ممكن يصيرلي لو مافكرت جديا في ده الموضوع
    اهلك ومو دايمين لك !!
    اذا اذا صار وماصار فين راح يكون مصيري في بيت واحد من اخواني بعيد الشر … ومعليش … لا انا ولا انتي ولا اي واحده راح ترتاح الا في بيت اهلها او بيتها … عشان لاتضايق مراة اخوها ولا هيه تضايقها

    موضوع تاني …. عاطفيا
    اي بنت عندها مشاعر وعاطفه وتحب الأهتمام وسماع الكلمة الحلوة وتحس انو في بني ادم في الدنيا دي اختارها هيه من غير كل البشر ويحبها ويحطها في عيونه الأتنين ..
    هادا الشئ ياانو الواحده تملي هادا الفراغ بالتعارف وتمسي في طريق غلط ومشبوه ويسئ لسمعتها هيه وسمعة اهلها من قبلها
    او انها تدعي ربنا يكرمها ويحققلها كل اللي تتمناه في زوج المستقبل

    يمكن قصرت بتوصيل فكرتي رغم طول الكلام اللي كتبته …
    بس اتمنى يكون وصلك المعنى
    ومو عيب اذا الواحده اتمنت ودعت انو تكمل نص دينها

    سلام

    • مرحبتين تيماء 🙂
      أولاً دعيني أعزيك في والدك رحمه الله وأعانكم و أسأل الله أن يطيل في عمر والدتك في طاعته .
      ثانياً : لا أخفيك أني تورطت في قراءه تعليقك << أمزح طبعاً 🙂 يا حبيلك يا تومه 🙂
      وصح كل كلامك اللي كتبتيه ولا قصرتي ولا شيئ .. لكن هي وجه نظر وهذا الذي أطمح إليه عندما كتبت هذه التدوينه ,أحتاج وجهات نظر الجميع ..
      لكن الذي يغيضني عيون الناس اللي ما ترحم إذا ما كتب الله لها الزواج ينظرون لها نظرات مثل السكين على قلبها .. هي إيش تسوي المسكينه ؟ ترمي نفسها على الرجال ؟! وإذا سوت كذا كمان ما ترتاح منهم .. و فعلاً بيت أهلها مو دايم لها لكن كمان مو دائماً يكون بيت زوجها عزها بل هذا يعتمد على طبيعة و أخلاق زوجها …
      باين أنعديت منك .. كثرت كلام .. 🙂
      الله يرزقك زوجاً صالحاً تقر به عينك … آآآآمين ..
      بالمناسبه كنت في مدونتك و أعجبتني كثيرا لكني للأسف ما عرفت أعلق كونها من مدونات (البلوقر ) لنكن أخوات ونتواصل دائماً …

      تحياتي الحاااره ..

  4. فعلا بعض الناس عيونها والسنتها ماترحم
    الموضوع ببساطه شديدة ارزاق
    ونصيب … ومالها اي علاقه بالحظ والشطارة
    الله يكرمنا كلنا برجال يخافوا الله فينا

    استغربت مررره من موضوع انك ماقدرتي تسيبي كومنت لأنو في اشخاص علقوا وهم مو بالبلوقر ..عموما عشان خاطرك عدلت بالاعدادات … وراح يشرفني اشوف كومنتاتك بمدونتي

    • مرحباً بك تيماء مرة أخرى

      شفتي بس ! 😦 لكن ما أقول إلا الله يحسن لنا الخاتمه فالحياة الحقيقيه مابعد الموت و الأزواج الحقيقيون هناااك , والله لا يضطرنا إلا لوجهه سبحانه ..
      ولا تستغربين فأنا مبتدئه ويالله دوبني ( فالووردبريس) وتسلمين أنك عدلتي إعداداتك علشاني وراح أحاول مره ثانيه وثالثه لحد ما تشوفي تعليقي عندك
      لعيونك يا قمر 🙂

      تحياتي الحاااره

  5. بصراحة لو عليه كان جلست في بيت أهلي معززة مكرمة…

    لحد يشتمني أو يهينني…

    ولو صار تكون من أهلي مو من أحد ثاني…

    لكن كلام الناس ونظراتهم تذبح وتقهر إلي ماتنقهر…

    لكن في الاخير هو رزق من الله يهبه لمن يشاء من عبادة..

    فنحمد الله على كل حال …

    اسفة على الاطالة…

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s