قرقر كاتييير

السلاام عليكم

أنا اليوم يبقى يسوي قرقر كاتيييير

مين يبفى سوي لق لق وذ مي ؟

صديق …!! آي هاف كدا سويه صرط …

أولا ..فيرست  أف أول.. اذا نفر مو فاضي لا يقرا قرقر مال  أنا …

خلي سويه أنتا يسير فادي … بأدين تأال عسان يقرا ماي قرقر …<< عسان يسير ماي زوار كاتيييير

أنا كدا من كم يوم أنا في طفس .. مرره تأبان .. نفس أنا تأبان …

سويه يفكر … سويه يروح عقل مال أنا بأيييد

أستقفر الله

***********

خخخخخ ترا هذا أنا محد سرق مدونتي 

نرجع حق محور حديثنا …

هذا كلام فاااضي للفاضيين أمثالي …واللي مو فاضي يروح يخلص شغله ويرجع…

هذا كلام في نفسي أكتبه بدون تنسيق لذلك أعتذر عن عدم ترابطها … بالعاميه والفصحى .. في الشرق والغرب …

* أحياناً تحس أنك مكبوت بشكل مو طبيعي ..بس باقي شويه وتنفجر .

. تلجأ  لأصدقائك أو أخوانك أو مممم يعني مثلاً أحد عزيز عليك …

طيب … إذا مالك أي واحد من هذول ..

* مثلاً .. أصدقائك منهم  اللي مشغول واللي ما تثق فيه ..

*  أخوانك إذا كنت أصغرهم … فيلعبون عليك لعبة أنت الصغير ولازم تحترمنا وتسمع الكلام …

* عزيز عليك … مودايماً تلقاه … يعني أحياناً يكون هو مهموم … أويكون مو فاضي .. أو يكون تعبان …تجي أنت بعد هذا كله وترمي عليه همك وتزيده هم !!! الواحد يعني لازم يكون عنده نظر وإحساس ... أفرض أنك لو شكيت له همك  قال لك أنا عندي وعندي .. وماني فاضي …خصوصاً إذا كان عزيز عليك .. وليس العكس.. في ذي اللحظه …ينكسر خاطرك ..وتقول ياليت ما تكلمت معه …ولا عرفته ...لكن الواحد يلتمس لأخيه المسلم الأعذار ….

** أتمنى لوكان عندي أخت من عمري أشاركها غرفتي وملابسي وأهم شيئ … أسراري ..

** أتمنى لو أقابل صديقة عمري ..أزورها وتزورني ..نسوي شقاوة البنات مع بعض .. نضحك ..نفرفش ..نحزن مع بعض وعلى بعض .. تأخذني في أحضانها وأخذها في أحضاني… لما نزعل نتراضى … إذا أحد زعّل وحده منا .. ياويله من الثانيه 

صحيح أني كبيره  والحمد لله  لكن الواحد يحتاج أنه يتكلم مع أحد يفهمه و يحس فيه حتى لو ما ينصحه ..يكفي أنه يسمعه بس …

 ** أتمنى أغلب الأحيان أني أمرض و أدخل المستشفى .. أو أسوي عمليه …أي عمليه … بس المهم أني أدخل المستشفى …

* أتمنى .. تقرصني أو بمعنى أصح .(.تلدغني) ..عقرب مثلا …ً وأقعد في المستشفى لو يوم واحد بس  

 قبل  تقولون ..أنتي مجنونه … أقول للمرض فوائد …

منها أنك تعرف مين يحبك منجد …و مين يتصنع …ومين يقول أسوي الواجب عشان لا أحد يقول علي كلام …

هذا بالنسبه للناس … أما بالنسبه لرب الناس … فإن الله يرفعك _بمرضك وأهم شيئ صبرك على عليه _ درجات ويزيدك حسنات .. ويحط عنك سيئات …

يوم كنت في المرحله المتوسطه جاني ألم في جنبي الأيمن في المستشفى قالوا ( الزايده ) قربوا يقولون عمليه .. أنا من سمعت ( الزايده ) فرحت وأنبسطت … ومن فرحتي خف الوجع ..وتراجعوا عن العمليه خخخ

هذه الأمنيه من طفولتي و أنا أتمناها …

على طاري الطفوله …

 **ربيت لي قطه من أروع القطط …هذا يا أعزائي كانت أم كبيره ( قصة حياتها )…جابت لها أربع بساس … كل واحد من أخواني أخذ واحده وأنا أخذت واحده … اللي ماتت واللي شردت واللي ما أدري وش صار فيها … إلا بستي الحبيبه والوفيه  … جلست معي وكبرت …أكتشفت بعدين أنها …ذكر ... كنت أروح للمدرسه وأرجع ألاقيه يستقبلني .. ياحياااااتي . 

يوم من الأيام كنت في المدرسه   … أخذته أمي العزيزه وحطته في كيس .. وخذه ياولد الحلال ..أخوي وأرمه بعيييد ..رجعت من المدرسه وأنتظره يجيني كالعاده ويستقبلني ..وينه وينه !! ماجاء .. لا تسألوا عن حاله الكآبه اللي أنا فيها ..

اليوم الثاني جات أمي تصحيني للمدرسه ( قومييي .. شوفي مين عند الباب ؟؟)!! يااعمريييي يااااحيااااتييي بستيي رجعت لي .

روحي رجعت لي مره ثانيه … أجتمع شمل العائله من جديد …

أمي ما أستسلمت هذي المره … روح يا أخوي أرمه بالسياره أبعد من المره اللي راحت …

وااااااء … وذهب بسي بعييييداً ولم أره مرةً أخرى … آآآآآآه ياقلبي أنفطر … أبكي عليك ياروحي .. .. أبكي عليك ياولدي … أبكي عليك ومن بعدك ! !

لكن بقي عشق البساس في قلبي إلى الأبد ….

واللي يعرفني .. يعرف هذه الصفه فيني .. جوالي وكمبيوتري ودنيتي كلها … صور بساس ( قطط )

أحد يقدر على الدلع هذا ..!!! وهه فديييتها

أحب رجل الشرطه والمطافئ والمرور … أشوفهم في الشارع أضرب لهم سلام … أحس باحترام وهيبه … يومهم في مغامره .. ويضحون بأرواحهم عشاننا .. صح هم يستلمون رواتب .. لكن من حقهم .. أجرهم .. محد ضربهم على يدهم وقالهم تعالوا أشتغلوا في هالوظيفه …

مع أن للأسف بعض الناس مايحبونهم …لأنهم يخالفون ويعطونهم قسيمة مخالفه … وهذا شي طبيعي الواحد ما يحب أحد يقوله أنت سويت شئ خطأ …

*******

لا إله إلا الله

هذي التدوينه أخذت مني ثلاثة أيام في كتابتها …

لذلك اللي وصل لهذه النقطه أحييه من كل قلبي .. وأشكر فيه روح الصبر اللي وصله إلى هنا

وكمان أشكر كل من ضيع وقته وقعد يقرأ …

هذي التدوينه أشتركت فيها  كل مشاعري و أحاسيسي و حواسي …

بصراحه أنا تعبت …  أحتاج لأسبوع أو يمكن أكثر راحه بعد هذا الجهد …

و السلام خير ختام ..

Advertisements
بواسطة شذى الخزامى نشرت في Uncategorized

7 تعليقات على “قرقر كاتييير

  1. حااااااااااااااااالتك صعبة تدوينة الشرق فيها داخل على الغرب خخخخخخ
    بس حركة سويتي لي تغيير أفكار كنت قبل ما اخوش مدونتك قاعدة اقرأ في مواضيع متخصصة واجتماعية تحتاج تركيز كبير

    أما هنا ماااااشاااااء الله اقرأ بكل بساطة حاجات عجيبة مضحكة :mrgreen:

    شكرا شذووو إلا اقول لا تقولي ابغا امرض بأجي افقعك 😐

    • هلا تينا 🙂
      ايوه صح .. بس أهم شيئ أنهم ما يتهاوشون ذذذذ
      سانكيو سوو متش
      العفو حبيبتي … و لا لا خلاص ما عاد أقول أبغى أمرض .. توبه

  2. هههههههههههههههههههه نايس ^_^

    ليش ما غيرتي قالب مدونتك مرة وحدة مع هذي التدوينة :mrgreen: ! <<< بيجيها كف

    امزح امزح وربي 😳

    مممممممم

    من ناحية ان الشخص يفقد اللي يتكلم معه ، جيتي على وتر حساس 😦

    بالنسبة لي خلاص تعوّدت ع الورقة والقلم ! ^_^

    .

    ممممممممم

    ودي بقطوة 😥

    /

    كان الله في عونك عزيزتي ، ولا تتمنين المرض 😦

    .

    ايه صح 🙄

    وصلت لنهاية التدوينة ، وين الهدية :mrgreen: !

    • أنتي أنيس شيئ
      حرام عليك .. تبيني أغير و هذا القالب ما له أسبوع !!

      ممممممم
      ما ني فاكره أني وعدت أحد بهديه إذا وصل للنهايه 🙄
      بس أبشري باللي تطلبينه .. آمري .. تدللي 🙂

  3. ياسلام اشوف المواهب طالعة

    الاخت تخصص لغات ,,,,,

    الله يبعد عنك الضيق ياشذى

    احلى شي الكلام البسيط وليد اللحظة

    كلامك يضرب بالصميم مرات جد يحتاج الواحد للكلام مع احد يفهمه

    لمجرد الفضفضفة مو من باب المشورة بس وين الحين الدنيا اشغلت الكثير

    والواحد مايبي يزود الناس هم ثاني

    سالفة المرض حلوة احلى شي الدلع والهدايا فيه *_*

    طبعا بالاضافة لما ذكرتيه

    بالنسبة للبسس انا ماحبهم من بعيد اشوفهم بس ماقربهم بس صايرة موضة معظم البنات عندهم قطط ويربونها ويدلعونها وتحمل وينفسونها

    وبعد عاملسن لها صفحة معجبين بالفيس بوك ^_^ شفتي مثل هالدلع

    ومالومج يوم قطوتج ماردت اخبر بنات صاحوا اللي باعت قطوتها مجبورة
    والحين تبيها وعاملة عليها اعلان

    واللي قطوتها انخطفت *_* الحين الناس حتى القطاوة يبوقونها

    شخبارك الحين تربين لج قطوة يديدة ولا ؟؟؟

    يرجى ارفاق صورها بمدونة جديدة

    احسن لك لو تضايقتي كتبي وكتبي ترى بتشوفين بنفسج ابداعات مالها حد

    الله يشرح صدرج ان شاءالله

    اعتبرينا اخواتج وصديقاتج

    *_* مرات الكلام مع النفس احدى الاساليب اللي اتبعها بصراحة

    بس تكون جلسة صراحة مثل مايقولون

    مدونة حلوة وخفيفة كانك تكلمتي بلسانا

    موفقة يارب

  4. أحم أحم .. شـ على بالك ..
    إحنا دارسين …. و قرفه وهيل << ذذذذذ
    والله أنصحك بقطوه .. تراها تبعد الهم وتخليك حنوووونه <>ثلاث مرات باليوم << بسم الله .. البنت خرفت وطار عقلها خخخ
    والله للأسف ماعندي 😥 آآآآه بس ياليت . أتمنى والله
    جزاك الله خير و أنتي أختي ورفيجتي والله لا يحرمني منّش
    تسلمين والله سارونه على كلماتك .. ويارب تكوني مبسووووطه دايماً 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s