جدولي الجديد =)

السلام عليكم

حالكم وأحوالكم واخباركم وعلومكم و رياضياتكم ……. أخلصي علينا  

آآآآآآآآآآ … ماعندي كلام أقوله ……

أولاً وقبل كل شيئ احب أرسل حديقة ورد .. لاحظوا .. مو باقه . بس ترى هذي عينه يعني  .. لكل من سأل عني أو على الأقل فكر قال شذو وينها ماعاد تكتب زي أول .. يعني حس بالفرق ..

بصراحه في الأيام الماضيه حسيت اني مقصره بحقكم << يعني أغيييييب وأرجع وبعدها أغيييييب مره ثانيه

عشان كذا حبيت أقولكم وش صار شي جديد في حياتي وكيف راح أسوي …

اولاً الحمد لله منّ الله علي بالألتحاق بمعهد تحفيظ القرآن الكريم … معهد .. هااااااه .. يعني الموضوع جدّي ..

وهذا يترتب عليه الآتي ::

         ( حسيتوا أني أكتب خطاب صح ؟؟!! )

:

نرجع حق محور حديثنا …

لازم أنظم وقتي وأحط النقاط على الأسطر !!! على الحروف قصدي  …خخخخ

 **المدونه وعالم العنكبوتيه راح يكون وقتها نهاية الأسبوع …. >> والمدونه لها وقتي الخاص أسبوع تدوينه وأسبوع أرد على التعليقات و آخذ لي فرّه على المدونات الحبيبه واللي يهمني أمرها واللي أتابعها ..

** وباقي الأسبوع محاوله للحفظ والدراسه …..

حلو الكلام ؟؟

حلو لما يكون يومك مليان بالأحداث تحس انك مهم ولك فايده … تحصلك مواقف غايه في الروعه تحمد الله عليها, وتكون هناك نفوس تحبك وتعج بالبراءه المحظه وكل يوم تفرح برؤيتك و تتذكرك وتسلم عليك بالرغم من قصر الوقت الذي قضيته معها … اقولكم على مين أتكلم … طفله من أطفالي في الروضه الملحقه بالمعهد اللي أدرس فيه .. هو نفس المعهد اللي كنت مدرّسه لمدة شهر ونصف فقط العام الماضي… هذي الطفله ( فرح ) على اسمها كل ما تشوفني … تجي قدامي تقول ..( أهلاً ) مع ابتسامتها البريئه … سبحان الله اسم على مسمى .. ما نسيتني فديتها … حلو لما تترك أثراً طيباً  في الشخص مهما كان صغيراً لأنه أكيد ماراح ينساك بحلوك ومرّك ..

الله يسعدها ويخليها لأهلها ويجعلها من الصالحات الداعيات …..  

:::::

هذا كله … وما عندي شي أقوله ….. طلعت اوبيتكال .. مدري ايش على قولة تينا

هذا جدولي الجديد .. وأسأل الله ان يعينني على حفظ كتابه و أن يجعله خالصاً لوجهه .. وأن يجعله حجةً لي لا حجةً علىّ … وصلى اللهم على سيدنا محمد

دمتم في رعاية الله و حفظه

Advertisements

14 تعليقات على “جدولي الجديد =)

  1. ماشاءالله ياشذى والله والله حركاااات انتي
    الله يوفقك ياااارب من من كل شر ويسدد خطااااك ياقلبي
    اممممم انا بالجامعه ودايم افكر بالتنظيم زييك ولكن اتراجع بعد اسبوووع ماني عارفه كييف انتظم بس حمستيني
    الله يوووفقك
    وبنشتاااقلك كثيير

    • يسعد قلبك هنو …وتسلمين والله
      والله هذا التنظيم يحتاج ناس تعاند نفسها لأن النفس أماره بالسوء << حشى وش سوت !!
      وأنا يختي الحمد لله تغلبت عليها << أبد ما تمدح نفسها ذذذذذ
      الله يعينك ترى والله التنظيم سهل اذا صرتي جادّه في تنفيذه …
      الله يسعدك وتشتاقلك الجنان يا غاليه

  2. الله يوفقك لحفظ القران ويعينك على اتمام حفظه..

    وجعله الله شفيعا لك يوم القيامه..

    همسه/
    سلميلي على الطفله الصغنوونه وقليلها صمت تسلم عليك كثيييير السلااااام 🙂

  3. جميل جدولك ،، حلو الواحد منا ينظم نفسه و يكون له هدف مثل هدفك في حفظ القرآن

    الله يعينك و نبغى هالكلام يكون تطبيق مو كلام و بس :””@

    أما عن (فرح) ارتسمت صورتها أمامي و أنا أقرأ عنها و ما فعلته يدل على تربية جيدة من والديها أسأل الله أن يحفظها لهم ،، و يدل أيضاً على معاملتك الطيبة اللي خلتها ما تنساك !

    دمتِ يا شذو “”)

    • اي والله صدقتي نسّووم
      ااااااا أممممم ان شاء الله الله يقدرني 🙂
      أما عن فرّوحه يسعدها ربي …. حبيبتي وهذا يدك على حسن ظنك فيني عس أكون قدها

      منوره نسّووم 🙂

  4. اولا
    الله يقويك على حفظ القران………..ودعواتك لنا لاني كل سنه افكر واتكاسل
    ثانيا
    مبرووووووك انضمامك للمعهد وتنظيم وقتك وخليك من السهر…………هههههههههه
    موفقه حياتي

    • آمين وياااارب ماتمر هالسنه إلا وانتي باديه فيه عالأقل …
      وأتركي عنك الشيطان لا يضحك عليك …
      :
      يبارك بعمرك يا قلبي …
      هههههه ييييه فشله … انتي ما تدرين أني ما بديت أسهر إلا بعد المعهد … مضطره يختي << وين التنظيم ؛) خخخ

  5. بالتوفيق اختي شذى والله يوفقك في دراستك ونحتفل بحفظك للقران الكريم

    ترتيب الوقت من اهم الاشياء المعينه على الخروج بنتائج مرضيه
    وكل عام وانتِ بخير

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s